ہجرت نبوی کا دوسرا سال

 غزوہ بدرمیں  شامل ہونے والے مہاجرین

وہب بن ابی سرح(ابن اسحاق نے ان کانام اصحاب بدرمیں  شمارنہیں  کیا،لیکن ابن سعد انہیں  اصحاب بدرمیں  شمارکرتے ہیں )

حاطب  رضی اللہ عنہ  بن عمرو(ابن اسحاق اصحاب بدرمیں  شمارنہیں  کرتے لیکن ابن سعد نے موسیٰ بن عقبہ کے حوالے سے اصحاب بدرمیں  شمارکیاہے)

عیاض  رضی اللہ عنہ  بن ابی زہیر(ابن اسحاق انہیں  اصحاب بدرمیں  شمارنہیں  کرتے لیکن ابن سعد نے انہیں  اصحاب بدرمیں  شمارکیاہے)

رسول اللہ  صلی اللہ علیہ وسلم کی پھوپی ارویٰ بنت عبدالمطلب کے بیٹے طلیب رضی اللہ عنہ  بن عمیر(ابن سعدانہیں  واقدی کے حوالے سے اصحاب بدرمیں  شمارکرتے ہیں ،لیکن دوسرے انہیں  اصحاب بدر میں  شمارنہیں  کرتے۔

مالک بن ابی خولی(ابن اسحاق انہیں  اصحاب بدرمیں  شمارکرتے ہیں  جبکہ ابن سعد یہ درست نہیں  سمجھتے،بعض لوگ ان کے بھائی ہلال  رضی اللہ عنہ بن خولی اوربعض ان کے لڑکے عبداللہ بن خولی کواصحاب بدرمیں  شمارکرتے ہیں )

مجاہدین بدرمیں  ۸۹ مہاجرین کانام لیاجاتاہے جن میں اکیاسی (۸۱) اصحاب بدرایسے ہیں  جن پرسب کااتفاق ہے ،لیکن وہب بن ابی سرح،حاطب  رضی اللہ عنہ  بن عمرو،  عیاض  رضی اللہ عنہ  بن ابی زہیر،عبداللہ  رضی اللہ عنہ  بن خولی اورہلال  رضی اللہ عنہ  بن خولی کے متعلق اختلاف ہے ،ابن ہشام نے وہب  رضی اللہ عنہ  بن ابی سرح، حاطب  رضی اللہ عنہ  بن عمرو اور عیاض  رضی اللہ عنہ  بن ابی زہیرکے متعلق لکھاہے کہ اکثرروائتیں  ان کے غزوہ بدرمیں  حاضرہونے میں  ہیں ،ابن اسحاق نے بشمول رسول اللہ  صلی اللہ علیہ وسلم ۸۳ مہاجرین کواصحاب بدرشمارکیاہے ،اور واقدی نے بشمول رسول اللہ   صلی اللہ علیہ وسلم ۸۶ مہاجرین کواصحاب بدرشمارکیاہے۔

غزوہ بدرمیں  شامل ہونے والے قبیلہ اوس کے انصار

مبشر  رضی اللہ عنہ اوررفاعہ رضی اللہ عنہ  کے بھائی ابولبانہ  رضی اللہ عنہ  بن عبدالمنذر ،بدرکوآتے ہوئے رسول اللہ  صلی اللہ علیہ وسلم نے بمقام روحاسے مدینہ پرحاکم بناکرواپس فرمادیاتھا۔              

عاصم بن عدی مدینہ سے بدرجاتے ہوئے بمقام روحا مدینہ کی بالائی آبادی عالیہ پرحاکم بناکرواپس فرمادیاتھا۔

الحارث بن حاطب،ان کورسول اللہ  صلی اللہ علیہ وسلم نے بدرجاتے ہوئے بمقام روحاسے قبیلہ بنی عمروبن عوف کی طرف روانہ فرمادیاتھا،انہوں  نے ہی دوسرے شرکاء کے ساتھ مل کر مسجد ضرارکوآگ لگائی تھی۔

عبداللہ  رضی اللہ عنہ  بن جبیرکے بھائی خوات بن جبیردوران سفرپتھرکی نوک لگنے سے زخمی ہوگئے تورسول اللہ  صلی اللہ علیہ وسلم نے بمقام روحاسے واپس فرمادیاتھا۔

سالم  رضی اللہ عنہ  بن عمیر(مدینہ کے انتہائی نادارصحابی)جنہوں  نے غزوہ بدرکے بعداپنے قبیلہ کے ایک شاعرابوعثک کوجولوگوں  کورسول اللہ  صلی اللہ علیہ وسلم کے خلاف ابھارتاتھاقتل کر دیا تھا۔

الحارث بن قیس(ابن اسحاق انہیں  اصحاب بدرمیں  شمارنہیں  کرتےلیکن دوسرے سیرت نگارانہیں  شمارکرتے ہیں )

سالم  رضی اللہ عنہ  مولیٰ شبیہ(ابن اسحاق انہیں  اصحاب بدرمیں  شمارنہیں  کرتے)

الحارث بن عرفجہ(ابن اسحاق انہیں  اصحاب بدرمیں  شمارکرتے ہیں لیکن ابن سعداسے تسلیم نہیں  کرتے)

محمدبن عمرالواقدی اورموسیٰ بن عقبہ کے مطابق قبیلہ اوس سے ترسٹھ(۶۳)انصاراصحاب بدرمیں  شامل ہیں ،لیکن ابن اسحاق کے مطابق صرف اکسٹھ(۶۱) انصاراوس اصحاب بدر میں  شامل ہیں ،انصاراوس میں  انساٹھ(۵۹)اصحاب کے نام پرسب متفق ہیں ۔

غزوہ بدرمیں  شامل ہونے والے قبیلہ خزرج کے انصار

حارث  رضی اللہ عنہ  بن صمہ(تھکن اورکمزوری کی بنارسول اللہ  صلی اللہ علیہ وسلم نے بمقام روحاسے واپس مدینہ بھیج دیا)

ابی بن کعب(کاتبان وحی)رسول اللہ  صلی اللہ علیہ وسلم نے فرمایامیری امت کے سب سے بڑے قاری ہیں ،قرآن مجید جمع کرنے والوں  میں  شامل تھے۔

حارثہ  رضی اللہ عنہ بن نعمان(ان کادعوی تھاکہ انہوں  نے دومرتبہ یوم قریظہ اوریوم حنین میں  جبرائیل  علیہ السلام  کودیکھاتھا۔

خبیب  رضی اللہ عنہ  بن یساف(مدینہ سے بدرجاتے ہوئے مقام البیداپرآکرمسلمان ہوئے)

عوف  رضی اللہ عنہ  بن الحارث(ابوجہل کوقتل کرنے کی کوشش میں  اس کے ہاتھوں  شہیدہوئے)

معوذ  رضی اللہ عنہ  بن الحارث(ابوجہل کوقتل کرنے کی کوشش میں  اس کے ہاتھوں  شہیدہوئے)

انصارخزرج کے اصحاب بدرکی فہرست میں  ایک سواڑسٹھ(۱۶۸)شخصیتوں  کے نام پرسب متفق ہیں ،البتہ کچھ ناموں  کی کتابت میں  فرق پڑگیاہے جس کی وجہ سیرت نگاروں  میں  اختلاف رائے پایاجاتاہے۔