نَسَ بْنَ مَالِكٍ یَقُولُ: أَغْفَى النَّبِیُّ صَلَّى اللهُ عَلَیْهِ وَسَلَّمَ إِغْفَاءَةً، فَرَفَعَ رَأْسَهُ مُتَبَسِّمًا، إِمَّا قَالَ لَهُمْ، وَإِمَّا قَالُوا لَهُ: لِمَ ضَحِكْتَ؟ فَقَالَ رَسُولُ اللَّهِ صَلَّى اللهُ عَلَیْهِ وَسَلَّمَ:إِنَّهُ أُنْزِلَتْ عَلَیَّ آنِفًا سُورَةٌ ، فَقَرَأَ بِسْمِ اللَّهِ الرَّحْمَنِ الرَّحِیمِ {إِنَّا أَعْطَیْنَاكَ الْكَوْثَرَ} [1]حَتَّى خَتَمَهَا قَالَ:هَلْ تَدْرُونَ مَا الْكَوْثَرُ؟ قَالُوا: اللَّهُ وَرَسُولُهُ أَعْلَمُ. قَالَ: هُوَ نَهْرٌ أَعْطَانِیهِ رَبِّی عَزَّ وَجَلَّ فِی الْجَنَّةِ، عَلَیْهِ خَیْرٌ كَثِیرٌ تَرِدُ عَلَیْهِ أُمَّتِی یَوْمَ الْقِیَامَةِ، آنِیَتُهُ عَدَدُ الْكَوَاكِبِ، یُخْتَلَجُ الْعَبْدُ مِنْهُمْ فَأَقُولُ: یَا رَبِّ، إِنَّهُ مِنْ أُمَّتِی فَیُقَالُ لِی: إِنَّكَ لَا تَدْرِی مَا أَحْدَثُوا بَعْدَكَ
انس بن مالک رضی اللہ عنہ سے روایت ہے رسول اللہ صلی اللہ علیہ وسلم تشریف فرماتھے کہ اونگھ آگئی، آپ تبسم فرماتے ہوئے بیدارہوئے پھریاتوخودآپ صلی اللہ علیہ وسلم نے فرمایایالوگوں کے سوال پرفرمایاکہ رسول اللہ صلی اللہ علیہ وسلم کیسے مسکرائے ؟تو آپ صلی اللہ علیہ وسلم نے بتلایاکہ مجھ پر یہ سورۂ نازل ہوئی ہے اورپھرآپ صلی اللہ علیہ وسلم نے بسم اللہ الرحمٰن الرحیم پڑھ کر سورہ کوثر کی تلاوت فرمائی ، اورفرمایاجانتے ہوکوثرکیاہے ؟لوگوں نے کہا اللہ اوراس کارسول بہترجانتاہے ، فرمایاوہ ایک جنتی نہرہے جس پربہت بھلائی ہے ، جومیرے رب نے مجھے عطافرمائی ہے جس پرمیری امت قیامت والے دن آئے گی، اس کے برتن آسمان کے ستاروں کی گنتی کے برابرہیں ، بعض لوگ اس سے ہٹائے جائیں گے تومیں کہوں گااے میرے رب!یہ بھی میرے امتی ہیں توکہاجائے گاآپ کونہیں معلوم کہ ان لوگوں نے آپ کے بعدکیاکیابدعتیں نکالی تھیں ؟۔ [2]
عَنْ أَنَسِ بْنِ مَالِكٍ، أَنَّهُ قَرَأَ هَذِهِ الْآیَةَ، إِنَّا أَعْطَیْنَاكَ الْكَوْثَرَ، قَالَ: قَالَ رَسُولُ اللَّهِ صَلَّى اللَّهُ عَلَیْهِ وَسَلَّمَ: أعطیتُ الْكَوْثَرَ، فَإِذَا هُوَ نَهَرٌ یَجْرِی، وَلَمْ یُشق شَقًّاوَإِذَا حَافَّتَاهُ قِبَابُ اللُّؤْلُؤِ، فَضَرَبْتُ بِیَدِی فِی تُرْبَتِهِ، فَإِذَا مِسْكُهُ ذَفَرة، وَإِذَا حَصَاهُ اللُّؤْلُؤُ
انس رضی اللہ عنہ سے مروی ہے رسول اللہ صلی اللہ علیہ وسلم نے اس آیت إِنَّا أَعْطَیْنَاكَ الْكَوْثَرَ کی تلاوت کرکے فرمایاکہ مجھے کوثرعنایت کی گئی ہے جوایک جاری نہرہے لیکن گڑھانہیں ہے اس کے دونوں جانب موتی کے خیمے ہیں ، اس کی مٹی خالص مشک ہے ، اس کے کنکربھی سچے موتی ہیں ۔ [3]
عَنْ أَبِی ذَرٍّ، قَالَ: یَشْخَبُ فِیهِ مِیزَابَانِ مِنَ الْجَنَّةِ
ابوذر غفاری رضی اللہ عنہ سے منقول ہے رسول اللہ صلی اللہ علیہ وسلم نے فرمایااس حوض میں بہشت کے دوپرنالے بہتے ہیں ۔ [4]
یہ سورۂ دراصل رسول اللہ صلی اللہ علیہ وسلم کی تسلی کے لئے نازل ہوئی ، اس سورۂ میں آپ کے مخالفین کے تباہ وبربادہونے کی پیش گوئی بھی کی گئی ہے ، جب رسول اللہ صلی اللہ علیہ وسلم نے دعوت اسلام دینی شروع کی تو مخالفت کاایک طوفان کھڑاہوگیاجس پر کفارو مشرکین کہتے تھے کہ محمد صلی اللہ علیہ وسلم ساری قوم سے کٹ گئے ہیں اوران کی حیثیت ایک بے بس اوربے یارومددگارانسان کی سی ہوگئی ہے ، اس کے علاوہ مکہ کے سردارعاص بن وائل سہمی اورعقبہ بن ابی معیط اورابوجہل نے آپ صلی اللہ علیہ وسلم کی دعوت کے مقابلے میں ایک مرتبہ کہاتھا قَالَتْ قُرَیْشٌ:بَتِرَ محمد منا اس (محمد صلی اللہ علیہ وسلم )کوچھوڑو، محمداپنی قوم سے کٹ کرایسے ہوگئے ہیں جیسے کوئی درخت اپنی جڑسے کٹ گیاہواورمتوقع یہی ہوکہ کچھ مدت بعدوہ سوکھ کرپیوندخاک ہوجائے گا، یعنی اس کی کوئی اولاد نرینہ نہیں ہے اس کے پیوندخاک ہونے کے بعداس کاذکرکون کرے گا؟۔ [5]
عَنْ عِكْرِمَةَ، قَالُوا: أَلَا تَرَى إِلَى هَذَاالصُّنْبُورُ الْمُنْبَتِرُ مِنْ قَوْمِهِ
عکرمہ فرماتے ہیں قریش نے رسول اللہ صلی اللہ علیہ وسلم کے لئے کمزور، بے یارومددگاراوربے اولادآدمی جواپنی قوم سے کٹ گیاہے کے الفاظ استعمال کیے تھے ۔ [6]
اس سلسلے میں عبد اللہ بن عباس رضی اللہ عنہما سے بھی ایک روایت ہے کہ نبی اکرم صلی اللہ علیہ وسلم کی بڑی اورچہیتی بیٹی زینب رضی اللہ عنہا کے بعد آپ صلی اللہ علیہ وسلم کے بڑے صاحبزادے قاسم اوران کے بعدتین بیٹیاں ام کلثوم رضی اللہ عنہ ، رقیہ رضی اللہ عنہ ، فاطمہ رضی اللہ عنہ پیدا ہوئیں مگرقاسم انتقال کرگئے اور پھر بعد میں عبد اللہ پیداہوئے اور ان کابھی انتقال ہوگیاتواس پرقریش نے کہامحمدابترہے کیونکہ اس کی نسل آگے نہ چل سکے گی، بعض روایات میں ہے کہ آپ صلی اللہ علیہ وسلم کے بیٹے کے فوت ہونے پربعض قریشی سرداروں (ابولہب، عقبہ بن ابی معیط) نے خوشی بھی منائی، ایسے حالات میں یہ سورۂ نازل ہوئی جس کے ذریعہ سے آپ کوتسلی دی گئی اور خوشخبری سنائی گئی کہ آپ صلی اللہ علیہ وسلم کو کوثر عطاکی ، کوثر جنت کی وہ نہرہے جو رسول اللہ صلی اللہ علیہ وسلم کومعراج میں دکھائی جاچکی تھی اور قیامت کے دن سیدالامم صلی اللہ علیہ وسلم اپنے امتیوں کواس سے جام بھرکر پلائیں گے جس سے انہیں پیاس بالکل محسوس نہ ہوگی ، چونکہ کوثر کا معنی خیرکثیرہے ، اس لیے نبوت ، کتاب وحکمت ، علم ، حق شفاعت ، مقام محمود، معجزات اور قرآن مجیدکوبھی کوثر قراردیاگیاہے ، رسول اللہ صلی اللہ علیہ وسلم کوحکم دیا گیا کہ کوثر جیسی عظیم نعمت پر اظہار تشکر کے لئے عبادت میں مزیدانہماک پیدا کریں اور اللہ کے لیے قربانی دیں ، باقی رہادشمنوں کا معاملہ تووہ عنقریب بے نام ونشان ہو جائیں گے ، چنانچہ ایسے ہی ہوا۔
بِسْمِ اللّٰهِ الرَّحْمٰنِ الرَّحِیْمِ
شروع کرتا ہوں میں اللہ تعالیٰ کے نام سے جو بڑا مہربان نہایت رحم والا ہے
إِنَّا أَعْطَیْنَاكَ الْكَوْثَرَ ﴿١﴾ فَصَلِّ لِرَبِّكَ وَانْحَرْ ﴿٢﴾ إِنَّ شَانِئَكَ هُوَ الْأَبْتَرُ ﴿٣﴾(الکوثر)
یقیناً ہم نے تجھے (حوض) کوثر (اور بہت کچھ) دیا ہے ، پس تو اپنے رب کے لیے نماز پڑھ اور قربانی کر، یقیناً تیرا دشمن ہی لا وارث اور بے نام و نشان ہے ۔
اے نبی صلی اللہ علیہ وسلم !ہم نے تمہیں کوثرعطاکیاہے ۔
کوثرکے معنی ہیں بڑی کثرت اوربڑی برکت وثروت والا۔
عَنْ عَائِشَةَ قَالَتِ: الْكَوْثَرُ نَهْرٌ فِی الْجَنَّةِ
ام المومنین عائشہ صدیقہ رضی اللہ عنہا ، عبد اللہ بن عباس رضی اللہ عنہما ، عبد اللہ بن عمر رضی اللہ عنہما ، انس بن مالک رضی اللہ عنہ اورمجاہد رحمہ اللہ اورابوالعالیہ رحمہ اللہ سے مروی ہے کہ کوثرجنت میں ایک نہرہے ۔
قَالَ ابْنُ عَبَّاسٍ، وَعِكْرِمَةُ، وَسَعِیدُ بْنُ جُبَیْرٍ، وَمُجَاهِدٌ، وَمُحَارِبُ بْنُ دِثَار، وَالْحُسْنُ بْنُ أَبِی الْحَسَنِ الْبَصْرِیُّ. حَتَّى قَالَ مُجَاهِدٌ: هُوَ الْخَیْرُ الْكَثِیرُ فِی الدُّنْیَا وَالْآخِرَةِ.
عبد اللہ بن عباس رضی اللہ عنہما ، عکرمہ رحمہ اللہ ، سعیدبن جبیر رضی اللہ عنہ ، مجاہد رحمہ اللہ ، محارب بن دثار رحمہ اللہ اورحسن بصری سے مروی ہے کوثرسے دنیااورآخرت کی بہت سی بھلائیاں مرادہے ۔
وَقَالَ عِكْرِمَةُ:هُوَ النُّبُوَّةُ وَالْقُرْآنُ، وَثَوَابُ الْآخِرَةِ
عکرمہ رضی اللہ عنہ فرماتے ہیں وثرسے مرادنبوت ، قرآن اورآخرت کاثواب ہے ،
وَقَالَ عَطَاءٌ: هُوَ حَوْضٌ فِی الْجَنَّةِ.
عطا رحمہ اللہ سے مروی ہے کہ کوثرجنت میں ایک حوض ہے ۔
عَنِ ابْنِ عَبَّاسٍ رَضِیَ اللَّهُ عَنْهُ، قَالَ:الكَوْثَرُ: الخَیْرُ الكَثِیرُ الَّذِی أَعْطَاهُ اللَّهُ إِیَّاهُ ، قَالَ أَبُو بِشْرٍ: قُلْتُ لِسَعِیدٍ: إِنَّ أُنَاسًا یَزْعُمُونَ أَنَّهُ نَهَرٌ فِی الجَنَّةِ؟ فَقَالَ سَعِیدٌ:النَّهَرُ الَّذِی فِی الجَنَّةِ مِنَ الخَیْرِ الَّذِی أَعْطَاهُ اللَّهُ إِیَّاهُ
عبد اللہ بن عباس رضی اللہ عنہما سے مروی ہے کوثروہ خیرکثیرہے جو اللہ تعالیٰ نے آپ صلی اللہ علیہ وسلم کو بخشا، ابوبشرکہتے ہیں میں نے سعیدبن جبیر رضی اللہ عنہ سے کہاکہ بعض لوگوں کاخیال ہے کہ کوثرجنت کی ایک نہرہے ، توانہوں نے جواب دیاکہ یہ جنت کی نہراسی خیرکثیرمیں سے ہے جو اللہ تعالیٰ نے آپ کو بخشاہے ۔ [7]
معراج کے موقعہ پرآپ صلی اللہ علیہ وسلم نے اس کا مشاہدہ کیا تھا ،
أَنَسُ بْنُ مَالِكٍ، عَنِ النَّبِیِّ صَلَّى اللهُ عَلَیْهِ وَسَلَّمَ قَالَ:بَیْنَمَا أَنَا أَسِیرُ فِی الجَنَّةِ، إِذَا أَنَا بِنَهَرٍ، حَافَتَاهُ قِبَابُ الدُّرِّ المُجَوَّفِ، قُلْتُ: مَا هَذَا یَا جِبْرِیلُ؟قَالَ:هَذَا الكَوْثَرُ، الَّذِی أَعْطَاكَ رَبُّكَ، فَإِذَا طِینُهُ أَوْ طِیبُهُ مِسْكٌ أَذْفَرُ
چنانچہ انس بن مالک رضی اللہ عنہ سے مروی ہے نبی کریم صلی اللہ علیہ وسلم نے فرمایا میں جنت میں گشت کررہاتھاکہ میں ایک نہرپرپہنچااس کے دونوں کناروں پرخولدار موتیوں کے گنبد بنے ہوئے تھے میں نے جبرائیل علیہ السلام سے پوچھایہ کیاہے ؟ انہوں نے جواب دیایہ وہ کوثرہے جوآپ کے رب نے آپ کو بخشاہے ، میں نے دیکھاکہ اس کی مٹی نہایت خوشبودارمشک جیسی تھی۔ [8]
اوریہ حوض کوثرکہاں ہے ،
عَنْ أَبِی هُرَیْرَةَ رَضِیَ اللَّهُ عَنْهُ: أَنَّ رَسُولَ اللَّهِ صَلَّى اللهُ عَلَیْهِ وَسَلَّمَ قَالَ:مَا بَیْنَ بَیْتِی وَمِنْبَرِی رَوْضَةٌ مِنْ رِیَاضِ الجَنَّةِ ، وَمِنْبَرِی عَلَى حَوْضِی
اس کے بارے میں ابوہریرہ رضی اللہ عنہ سے مروی ہے رسول اللہ صلی اللہ علیہ وسلم نے فرمایامیرے گھر اورمیرے منبرکے درمیان جنت کے باغوں میں سے ایک باغ ہے اورمیرا منبر میرے حوض کے اوپرہے [9]
حوض کوثرکاطول وعرض :
عَنِ ابْنِ عُمَرَ رَضِیَ اللَّهُ عَنْهُمَا، عَنِ النَّبِیِّ صَلَّى اللهُ عَلَیْهِ وَسَلَّمَ قَالَ:أَمَامَكُمْ حَوْضٌ كَمَا بَیْنَ جَرْبَاءَ وَأَذْرُحَ
عبد اللہ بن عمر رضی اللہ عنہما سے مروی ہے نبی کریم صلی اللہ علیہ وسلم نے فرمایاتمہارے سامنے ہی میراحوض ہوگاوہ اتنابڑاہے جتناجرباء اوراذرحاء کے درمیان فاصلہ ہے (یہ ملک شام میں دوگاؤں ہیں جن میں تین دن کی راہ ہے )۔ [10]
قَالَ عَبْدُ اللَّهِ بْنُ عَمْرٍو:قَالَ النَّبِیُّ صَلَّى اللهُ عَلَیْهِ وَسَلَّمَ: حَوْضِی مَسِیرَةُ شَهْرٍ
عبد اللہ بن عمرو رضی اللہ عنہ سے مروی ہے نبی کریم صلی اللہ علیہ وسلم نے فرمایامیراحوض ایک مہینے کی مسافت کے برابرہوگا۔ [11]
حَدَّثَنِی أَنَسُ بْنُ مَالِكٍ رَضِیَ اللَّهُ عَنْهُ:أَنَّ رَسُولَ اللَّهِ صَلَّى اللهُ عَلَیْهِ وَسَلَّمَ قَالَ: إِنَّ قَدْرَ حَوْضِی كَمَا بَیْنَ أَیْلَةَ وَصَنْعَاءَ مِنَ الیَمَنِ
انس رضی اللہ عنہ سے مروی ہے رسول اللہ صلی اللہ علیہ وسلم نے فرمایا حوض کوثر کا طول ایلہ(اسرائیل کی موجودہ بندرگاہ ایلات)سے یمن کے صنعاء تک ہے ۔ [12]
حَارِثَةَ بْنَ وَهْبٍ، یَقُولُ:سَمِعْتُ النَّبِیَّ صَلَّى اللهُ عَلَیْهِ وَسَلَّمَ وَذَكَرَ الحَوْضَ فَقَالَ:كَمَا بَیْنَ المَدِینَةِ وَصَنْعَاءَ
حارثہ بن وہب رضی اللہ عنہ سے مروی ہے میں نے رسول اللہ صلی اللہ علیہ وسلم کوحوض کوثرکاذکرکرتے ہوئے سناآپ صلی اللہ علیہ وسلم نے فرمایا میرے حوض کی لمبائی اتنی ہے جتنافاصلہ مدینہ منورہ اورصنعاء میں ہے ۔ [13]
عَنْ أَبِی هُرَیْرَةَ أَنَّ رَسُولَ اللهِ صَلَّى اللهُ عَلَیْهِ وَسَلَّمَ قَالَ:إِنَّ حَوْضِی أَبْعَدُ مِنْ أَیْلَةَ مِنْ عَدَنٍ
ابوہریرہ رضی اللہ عنہ سے مروی ہے رسول اللہ صلی اللہ علیہ وسلم نے فرمایامیراحوض اتنابڑاہے جیسے عدن سے ایلہ ، اس سے بھی زیادہ۔ [14]
عَنْ حُذَیْفَةَ، قَالَ:قَالَ رَسُولُ اللهِ صَلَّى اللهُ عَلَیْهِ وَسَلَّمَ:إِنَّ حَوْضِی لَأَبْعَدُ مِنْ أَیْلَةَ مِنْ عَدَنٍ
حذیفہ رضی اللہ عنہ سے مروی ہے رسول اللہ صلی اللہ علیہ وسلم نے فرمایامیرے حوض کی لمبائی اتنی ہوگی جتنافاصلہ ایلہ سے (جدہ اور رابغ کے درمیان ایک مقام) عدن کے درمیان کی لمبائی ہے ۔ [15]
عَنْ أَبِی ذَرٍّ، قَالَ:قَالَ:مَا بَیْنَ عَمَّانَ إِلَى أَیْلَةَ
ابوزر رضی اللہ عنہ سے مروی ہے رسول اللہ صلی اللہ علیہ وسلم نے فرمایاحوض کی لمبائی ایلہ سے عمان تک ہے [16]
عَنْ أَبِی سَعِیدٍ الْخُدْرِیِّ، أَنَّ النَّبِیَّ صَلَّى اللهُ عَلَیْهِ وَسَلَّمَ، قَالَ: إِنَّ لِی حَوْضًا مَا بَیْنَ الْكَعْبَةِ، وَبَیْتِ الْمَقْدِسِ
ابوسعید خدری رضی اللہ عنہ سے مروی ہے نبی کریم صلی اللہ علیہ وسلم نے فرمایامیرا حوض مکہ مکرمہ اورمدینہ منورہ کے مابین مسافت جتناہے ۔ [17]
عَنْ حُذَیْفَةَ أَنَّهُ قَالَ:مَا بَیْنَ طَرَفَیْ حَوْضِ النَّبِیِّ صَلَّى اللهُ عَلَیْهِ وَسَلَّمَ كَمَا بَیْنَ أَیْلَةَ وَمِصْرَ
حذیفہ رضی اللہ عنہ سے مروی ہے نبی صلی اللہ علیہ وسلم کاحوض اتنابڑاہے جتناایلہ اورمصرکے درمیان فاصلہ ہے ۔ [18]
امام قسطلانی رحمہ اللہ کہتے ہیں یہ سب مقام قریب قریب ایک ہی فاصلہ رکھتے ہیں یعنی آدھے مہینے کی مسافت یااس سے کچھ زائد۔
یہ حوض آپ صلی اللہ علیہ وسلم کوروزقیامت عطاکیاجائے گااوراس سخت ترین وقت میں جب ہرایک نفس العَطَشُ العَطَشُ کررہاہوگا
عَنْ أَنَسٍ، قَالَ: تَرِدُ عَلَیْهِ أُمَّتِی یَوْمَ الْقِیَامَةِ
انس رضی اللہ عنہ سے مروی ہے رسول اللہ صلی اللہ علیہ وسلم نے فرمایااس وقت امت محمدیہ اس حوض پرآپ کے پاس پانی پینے کے لیے حاضر ہوگی۔ [19]
رسول اللہ صلی اللہ علیہ وسلم تمام لوگوں سے پہلے اس حوض پرپہنچے ہوئے ہوں گے ،
عَنْ عَبْدِ اللَّهِ، عَنِ النَّبِیِّ صَلَّى اللهُ عَلَیْهِ وَسَلَّمَ قَالَ: أَنَا فَرَطُكُمْ عَلَى الحَوْضِ
عبد اللہ بن مسعود رضی اللہ عنہما سے مروی ہے نبی کریم صلی اللہ علیہ وسلم نے فرمایا(قیامت کے دن)میں اپنے حوض کوثرپرتم سے پہلے ہی موجودرہوں گا(اوراپنے پاس آنے والوں کا انتظار کرتا رہوں گا)۔ [20]
قَالَ: أَنَا، یَوْمَ الْقِیَامَةِ، عِنْدَ عُقْرِ الْحَوْضِ
رسول اللہ صلی اللہ علیہ وسلم نے فرمایااورمیں قیامت کے دن حوض کوثر کے کنارے پر ہوں گا۔ [21]
عَنْ عُقْبَةَ بْنِ عَامِرٍ:فَقَالَ:إِنِّی فَرَطٌ لَكُمْ، وَأَنَا شَهِیدٌ عَلَیْكُمْ، وَإِنِّی وَاللَّهِ لَأَنْظُرُ إِلَى حَوْضِی الآنَ
عقبہ بن عامرسے مروی ہے رسول اللہ صلی اللہ علیہ وسلم نے فرمایامیں تم سے آگے پہنچنے والاہوں اورتم پر گواہی دوں گا اور اللہ کی قسم میں اپنے حوض کو اس وقت دیکھ رہاہوں ۔ [22]
أَنَسَ بْنَ مَالِكٍ رَضِیَ اللَّهُ عَنْهُ، یَقُولُ:قَالَ النَّبِیُّ صَلَّى اللهُ عَلَیْهِ وَسَلَّمَ لِلْأَنْصَارِ:إِنَّكُمْ سَتَلْقَوْنَ بَعْدِی أَثَرَةً، فَاصْبِرُوا حَتَّى تَلْقَوْنِی وَمَوْعِدُكُمُ الحَوْضُ
انس بن مالک رضی اللہ عنہ سے مروی ہے نبی کریم صلی اللہ علیہ وسلم نے ایک موقع پر انصار کو مخاطب ہوکر فرمایامیرے بعدتم دیکھوگے کہ تم پردوسروں کوفوقیت دی جائے گی ، پس تم صبرکرنایہاں تک کہ تم مجھ سے آملواورمیری تم سے ملاقات حوض پرہوگی ۔ [23]
حَدَّثَنَا مُسْلِمُ بْنُ إِبْرَاهِیمَ، حَدَّثَنَا عَبْدُ السَّلَامِ بْنُ أَبِی حَازِمٍ أَبُو طَالُوتَ، قَالَ: شَهِدْتُ أَبَا بَرْزَةَ دَخَلَ عَلَى عُبَیْدِ اللَّهِ بْنِ زِیَادٍ، فَحَدَّثَنِی فُلَانٌ – سَمَّاهُ مُسْلِمٌ وَكَانَ فِی السِّمَاطِ – فَلَمَّا رَآهُ عُبَیْدُ اللَّهِ قَالَ: إِنَّ مُحَمَّدِیَّكُمْ هَذَا الدَّحْدَاحُ، فَفَهِمَهَا الشَّیْخُ، فَقَالَ: مَا كُنْتُ أَحْسَبُ أَنِّی أَبْقَى فِی قَوْمٍ یُعَیِّرُونِی بِصُحْبَةِ مُحَمَّدٍ صَلَّى اللهُ عَلَیْهِ وَسَلَّمَ، فَقَالَ لَهُ عُبَیْدُ اللَّهِ: إِنَّ صُحْبَةَ مُحَمَّدٍ صَلَّى اللهُ عَلَیْهِ وَسَلَّمَ لَكَ زَیْنٌ غَیْرُ شَیْنٍ، قَالَ: إِنَّمَا بَعَثْتُ إِلَیْكَ لِأَسْأَلَكَ عَنِ الْحَوْضِ، سَمِعْتَ رَسُولَ اللَّهِ صَلَّى اللهُ عَلَیْهِ وَسَلَّمَ یَذْكُرُ فِیهِ شَیْئًا؟ فَقَالَ لَهُ أَبُو بَرْزَةَ: نَعَمْ لَا مَرَّةً، وَلَا ثِنْتَیْنِ، وَلَا ثَلَاثًا، وَلَا أَرْبَعًا، وَلَا خَمْسًا، فَمَنْ كَذَّبَ بِهِ فَلَا سَقَاهُ اللَّهُ مِنْهُ، ثُمَّ خَرَجَ مُغْضَبًا
مسلم بن ابراہیم، عبدالسلام بن ابی حازم ابوطالوت کہتے ہیں میں ابوبرزہ رضی اللہ عنہ الاسلمی کے ساتھ تھا آپ عبید اللہ بن زیادہ (جو یزید کا گورنر تھا کوفہ میں ) کے پاس داخل ہوئے پس مجھ سے ایک شخص نے مسلم بن ابراہیم نے اس کا نام لیا ہے بیان کیا اور وہ لوگوں کی جماعت میں شریک تھا کہ جب عبید اللہ نے ابوبرزہ رضی اللہ عنہ کو دیکھا تو کہا کہ یہ تمہارا محمدی (رسول اللہ صلی اللہ علیہ وسلم کا صحابی) ہے جو موٹا ناٹا ہے ، ابوبرزہ سمجھ گئے کہ اس نے طعنہ دیا ہے تو فرمایا کہ مجھے یہ خیال نہیں تھا کہ میں ایسے لوگوں کے درمیان باقی رہ جاوں گا جو مجھے رسول اللہ صلی اللہ علیہ وسلم کی صحبت کی وجہ سے عار دلائیں گے ، تو عبید اللہ نے ان سے کہا کہ رسول اللہ صلی اللہ علیہ وسلم کی صحبت تو آپ کے لیے باعث فخر ہے نہ کہ باعث ملامت وعار، پھر اس نے کہا کہ میں نے آپ کو اس لیے بلا بھیجا ہے تاکہ آپ سے حوض کوثر کے بارے میں سوال کروں جو آپ نے رسول اللہ صلی اللہ علیہ وسلم سے سنا ہو کہ آپ نے اس بارے میں کچھ ذکر فرمایا ہو تو ابوبرزہ رضی اللہ عنہ نے فرمایا کہ ہاں ایک دو تین یا چار پانچ مرتبہ نہیں (بے شمار مرتبہ سنا ہے ) پس جو اس کی تکذیب کرے اللہ اسے حوض کوثر نہ پلائے پھر آپ غصہ کی حالت میں اس کے پاس سے نکل گئے ۔ [24]
اس حوض میں پانی کہاں سے بہم پہنچایاجائے گا۔
عَنْ ثَوْبَانَ، أَنَّ نَبِیَّ اللهِ صَلَّى اللهُ عَلَیْهِ وَسَلَّمَ قَالَ: یَغُتُّ فِیهِ مِیزَابَانِ یَمُدَّانِهِ مِنَ الْجَنَّةِ، أَحَدُهُمَا مِنْ ذَهَبٍ وَالْآخَرُ مِنْ وَرِقٍ
اس کے بارے میں ثوبان رضی اللہ عنہ سے مروی ہے نبی کریم صلی اللہ علیہ وسلم نے فرمایااس میں جنت سے دوپرنالے لاکرڈالے جائیں گے جواسے پانی بہم پہنچائیں گی، ایک پرنالہ سونے کاہے اورایک چاندی کا۔ [25]
عَنِ ابْنِ مَسْعُودٍ، قَالَ:قَالَ: وَیُفْتَحُ نَهَرٌ مِنَ الْكَوْثَرِ إِلَى الْحَوْضِ
عبد اللہ بن مسعود رضی اللہ عنہما سے ایک روایت میں ہے رسول اللہ صلی اللہ علیہ وسلم نے فرمایاجنت کی نہرکوثرسے ایک نہراس حوض کی طرف کھول دی جائے گی۔ [26]
حوض کوثرکی کیفیت:
سَعِیدَ بْنَ جُبَیْرٍ، یَذْكُرُ عَنْ ابْنِ عَبَّاسٍ، قَالَ رَسُولُ اللَّهِ صَلَّى اللهُ عَلَیْهِ وَسَلَّمَ:هُوَ نَهَرٌ فِی الْجَنَّةِ، حَافَتَاهُ مِنْ ذَهَبٍ، یَجْرِی عَلَى جَنَادِلِ الدُّرِّ وَالْیَاقُوتِ ، شَرَابُهُ أَحْلَى مِنَ الْعَسَلِ، وَأَشَدُّ بَیَاضًا مِنَ اللَّبَنِ، وَأَبْرَدُ مِنَ الثَّلْجِ، وَأَطْیَبُ مِنْ رِیحِ الْمِسْكِ، وَكِیزَانُهُ كَنُجُومِ السَّمَاءِ، مَنْ شَرِبَ مِنْهَا فَلاَ یَظْمَأُ أَبَدًا
سعیدبن جبیر رضی اللہ عنہ ابن عباس رضی اللہ عنہ سے روایت کرتے ہیں رسول اللہ صلی اللہ علیہ وسلم نے فرمایاکوثرجنت میں ایک نہرہے اس کے کنارے سونے اورچاندی کے ہیں اوروہ موتیوں اوریاقوت پربہتی ہے ، اس کاپانی دودھ سے (بعض روایات کے مطابق چاندی سے اوربعض میں برف سے ) زیادہ سفید اور برف سے زیادہ ٹھنڈا ، شہدسے زیادہ شریں ہے اس کی مٹی مشک سے زیادہ خوشبودارہے ، اوراس پراتنے کوزے رکھے ہوں گے جتنے آسمان میں تارے ، جواس کاپانی پی لے گا پھروہ کبھی بھی(میدان محشرمیں ) پیاسانہ ہوگا۔ [27]
مگراس کاپانی کوئی بدعتی نہیں پی سکے گا ،
أَبِی سَعِیدٍ الخُدْرِیِّ، قَالَ النَّبِیُّ صَلَّى اللهُ عَلَیْهِ وَسَلَّمَ:إِنِّی فَرَطُكُمْ عَلَى الحَوْضِ، مَنْ مَرَّ عَلَیَّ شَرِبَ، وَمَنْ شَرِبَ لَمْ یَظْمَأْ أَبَدًا، لَیَرِدَنَّ عَلَیَّ أَقْوَامٌ أَعْرِفُهُمْ وَیَعْرِفُونِی، ثُمَّ یُحَالُ بَیْنِی وَبَیْنَهُمْ، فَأَقُولُ إِنَّهُمْ مِنِّی، فَیُقَالُ: إِنَّكَ لاَ تَدْرِی مَا أَحْدَثُوا بَعْدَكَ ، فَأَقُولُ: سُحْقًا سُحْقًا لِمَنْ غَیَّرَ بَعْدِی
عبد اللہ بن مسعود رضی اللہ عنہما سے مروی ہے رسول اللہ صلی اللہ علیہ وسلم نے فرمایا کہ میں اپنے حوض پرتم سے پہلے ہی موجود رہوں گااورتم میں سے کچھ لوگ میرے سامنے لائے جائیں گے پھرانہیں میرے سامنے سے ہٹادیاجائے گاتومیں کہوں گاکہ اے میرے رب! یہ میرے ساتھی ہیں ، لیکن مجھ سے کہاجائے گا آپ نہیں جانتے کہ انہوں نے آپ کے بعددین میں کیا کیانئی چیزیں ایجادکرلی تھیں ، میں کہوں گادوری ہو ، دوری ہو ان کے لئے جنہوں نے میرے بعددین میں تبدیلیاں کردی تھیں ۔ [28]
چنانچہ فرمایااے نبی !کائنات کی تمام مخلوق اللہ وحدہ لاشریک کی تسبیح بیان کررہی ہے ، یعنی نمازتمام مخلوقات الٰہی کی فطرت ہے ، جیسے فرمایا
تُـسَبِّحُ لَهُ السَّمٰوٰتُ السَّـبْعُ وَالْاَرْضُ وَمَنْ فِیْهِنَّ۰ۭ وَاِنْ مِّنْ شَیْءٍ اِلَّا یُسَبِّحُ بِحَمْدِهٖ وَلٰكِنْ لَّا تَفْقَهُوْنَ تَسْبِیْحَهُمْ ۔ ۔ ۔ ۴۴ [29]
ترجمہ: اس کی پاکی توساتوں آسمان اورزمین اوروہ ساری چیزیں بیان کررہی ہیں جو آسمان وزمین میں ہیں ، کوئی چیزایسی نہیں جواس کی حمدکے ساتھ تسبیح نہ کررہی ہو، مگرتم ان کی تسبیح سمجھتے نہیں ہو۔
اَلَمْ تَرَ اَنَّ اللهَ یُسَبِّحُ لَهٗ مَنْ فِی السَّمٰوٰتِ وَالْاَرْضِ وَالطَّیْرُ صٰۗفّٰتٍ۰ۭ كُلٌّ قَدْ عَلِمَ صَلَاتَهٗ وَتَسْبِیْحَهٗ۔ ۔ ۔ ۰۴۱ [30]
ترجمہ:کیاتم دیکھتے نہیں ہوکہ اللہ کی تسبیح کررہے ہیں وہ سب جوآسمانوں اورزمین میں ہیں اوروہ پرندے جوپرپھیلائے اڑرہے ہیں ؟ہرایک اپنی نمازاورتسبیح کاطریقہ جانتاہے ۔
فَاِنِ اسْـتَكْبَرُوْا فَالَّذِیْنَ عِنْدَ رَبِّكَ یُسَبِّحُوْنَ لَهٗ بِالَّیْلِ وَالنَّهَارِ وَهُمْ لَا یَسْـَٔــمُوْنَ۳۸۞ [31]
ترجمہ:لیکن اگریہ لوگ غرورمیں آکراپنی ہی بات پراڑے رہیں تو پروا نہیں ، جوفرشتے تیرے رب کے مقرب ہیں وہ شب وروزاس کی تسبیح کر رہے ہیں اورکبھی نہیں تھکتے ۔
اے نبی صلی اللہ علیہ وسلم !ہم نے تمہیں خیرکثیرعطاکیاہے ، پس اتنی کثیراورعظیم بھلائیوں کا مقصودیہ ہے کہ اظہارتشکرکے لئے اللہ وحدہ لاشریک کی یادکے لئے نفلی اورفرض نمازقائم کریں جوایمان کا اولین فیضان ہے ، اوراسی مقصدکے تحت ابراہیم علیہ السلام نے اپنی اولادکوبیت اللہ کے پاس لابسایا تھااور اپنے رب سے دعا فرمائی تھی ۔
رَبَّنَآ اِنِّىْٓ اَسْكَنْتُ مِنْ ذُرِّیَّتِیْ بِوَادٍ غَیْرِ ذِیْ زَرْعٍ عِنْدَ بَیْتِكَ الْمُحَرَّمِ۰ۙ رَبَّنَا لِیُقِیْمُوا الصَّلٰوةَ فَاجْعَلْ اَفْىِٕدَةً مِّنَ النَّاسِ تَهْوِیْٓ اِلَیْهِمْ وَارْزُقْهُمْ مِّنَ الثَّمَرٰتِ لَعَلَّهُمْ یَشْكُرُوْنَ۳۷ [32]
ترجمہ:پروردگار !میں نے ایک بے آب و گیاہ وادی میں اپنی اولاد کے ایک حصے کو تیرے محترم گھر کے پاس لابسایا ہے ، پروردگار ! یہ میں نے اس لیے کیا ہے کہ یہ لوگ یہاں نماز قائم کریں لہٰذا تو لوگوں کے دلوں کو ان کا مشتاق بنا اور انہیں کھانے کو پھل دے شاید کہ یہ شکر گزار بنیں ۔
ایک مقام پر مومنین کی صفات بیان فرمائیں
اَلَّذِیْنَ اِنْ مَّكَّنّٰهُمْ فِی الْاَرْضِ اَقَامُوا الصَّلٰوةَ وَاٰتَوُا الزَّكٰوةَ وَاَمَرُوْا بِالْمَعْرُوْفِ وَنَهَوْا عَنِ الْمُنْكَرِ ۔ ۔ ۔ ۴۱ [33]
ترجمہ:یہ وہ لوگ ہیں جنہیں اگرہم زمین میں اقتداربخشیں تووہ نمازقائم کریں گے ، زکوٰة دیں گے ، نیکی کاحکم دیں گے اوربرائی سے منع کریں گے ۔
ایک مقام پر فرمایاکہ مجھے ہی وحدہ لاشریک الٰہ جانو اور صرف میری ہی بندگی کرواورمیرے لئے تمام مراسم عبودیت بجا لاؤ، جیسے فرمایا
اِنَّنِیْٓ اَنَا اللهُ لَآ اِلٰهَ اِلَّآ اَنَا فَاعْبُدْنِیْ۰ۙ وَاَقِـمِ الصَّلٰوةَ لِذِكْرِیْ۱۴ [34]
ترجمہ: میں ہی اللہ ہوں ، میرے سوا کوئی الٰہ نہیں ، پس تومیری بندگی کراور میری یادکے لئے نمازقائم کر۔
ایک مقام پر فرمایاکہ اگر نماز سے روگردانی کروگے تو مشرکین میں سے ہوجاؤگے یعنی نمازہی کفر و ایمان کے درمیان حدفاصل ہے ، جیسے فرمایا
مُنِیْبِیْنَ اِلَیْهِ وَاتَّقُوْهُ وَاَقِیْمُوا الصَّلٰوةَ وَلَا تَكُوْنُوْا مِنَ الْمُشْرِكِیْنَ۳۱ۙ [35]
ترجمہ: (قائم ہوجاؤاس بات پر) اللہ کی طرف رجوع کرتے ہوئے اورڈرواس سے اورنمازقائم کرواورنہ ہو جاؤ مشرکین میں سے ۔
ایک مقام پر فرمایا کہ وہی لوگ فلاح اورنجات پائیں گے جو اللہ وحدہ لاشریک پر ایمان لائیں گے اوراس کی یادکے لئے نمازقائم کریں گے ، جیسے فرمایا
قَدْ اَفْلَحَ مَنْ تَزَكّٰى۱۴ۙوَذَكَرَ اسْمَ رَبِّهٖ فَصَلّٰى۱۵ [36]
ترجمہ:فلاح پاگیاوہ جس نے پاکیزگی اختیارکی اور اپنے رب کانام یاد کیاپھرنماز پڑھی۔
ایک مقام پر فرمایاکہ صرف اتناہی نہیں کہ خودنمازپڑھ لوبلکہ اپنے اہل وعیال، عزیزرشتہ داروں اور رفیقوں کوبھی اس کا پابندکرو۔
وَاْمُرْ اَهْلَكَ بِالصَّلٰوةِ وَاصْطَبِرْ عَلَیْهَا۔ ۔ ۔ ۱۳۲ [37]
ترجمہ:اپنے اہل وعیال کونمازکی تلقین کرواورخودبھی اس کے پابندرہو۔
ایک مقام پر فرمایاکہ نماز اللہ کی طرف سے جانی ومالی آزمائشوں کے وقت صبر پیداکرتی ہے ۔
یٰٓاَیُّهَا الَّذِیْنَ اٰمَنُوا اسْتَعِیْنُوْا بِالصَّبْرِ وَالصَّلٰوةِ ۔ ۔ ۔ ۱۵۳ [38]
ترجمہ: اے لوگو جوایمان لائے ہو! صبراورنمازسے مددلو ۔
ایک مقام پر فرمایاکہ نماز بندے میں خاکساری پیدا کرتی اورنفس کونخوت سے پاک کرتی ہے ، جیسے فرمایا
وَعِبَادُ الرَّحْمٰنِ الَّذِیْنَ یَمْشُوْنَ عَلَی الْاَرْضِ هَوْنًا وَّاِذَا خَاطَبَهُمُ الْجٰهِلُوْنَ قَالُوْا سَلٰمًا۶۳وَالَّذِیْنَ یَبِیْتُوْنَ لِرَبِّهِمْ سُجَّدًا وَّقِیَامًا۶۴ [39]
ترجمہ:رحمان کے (اصلی) بندے وہ ہیں جوزمین پرنرم چال چلتے ہیں اورجاہل ان کے منہ آئیں تو کہہ دیتے ہیں کہ تم کو سلام، جو اپنے رب کے حضورسجدے اور قیام میں راتیں گزارتے ہیں ۔
ایک مقام پر فرمایاکہ اللہ کی بارگاہ میں قرب حاصل کرنے کابہترین طریقہ یہ ہے کہ اس کی بارگاہ میں سجدہ ریزرہو ، جیسے فرمایا
۔ ۔ ۔ وَاسْجُدْ وَاقْتَرِبْ۱۹ۧ۞ [40]
ترجمہ:اورسجدہ کرو اور (اپنے رب کا)قرب حاصل کرو۔
کیونکہ تمام مذاہب میں اللہ کے تقرب کاسب سے بڑاذریعہ قربانی تھااور قربانی تمام شرائع کے نظام عبادت کاایک لازمی جزرہی ہے جیسے فرمایا
وَلِكُلِّ اُمَّةٍ جَعَلْنَا مَنْسَكًا لِّیَذْكُرُوا اسْمَ اللهِ عَلٰی مَا رَزَقَهُمْ مِّنْۢ بَهِیْمَةِ الْاَنْعَامِ ۔ ۔ ۔ ۳۴ۙ [41]
ترجمہ:ہرامت کے لئے ہم نے قربانی کاایک قاعدہ مقررکردیاہے تاکہ (اس امت کے ) لوگ ان جانوروں پر اللہ کانام لیں جواس نے ان کوبخشے ہیں ۔
چنانچہ صدقہ وخیرات کے لئے ، حج کے موقعہ پرمنیٰ میں اورعیدالاضحی کے موقعہ پراس عقیدے کے تحت قربانیاں کرو، جیسے فرمایا
قُلْ اِنَّ صَلَاتِیْ وَنُسُكِیْ وَمَحْیَایَ وَمَمَاتِیْ لِلهِ رَبِّ الْعٰلَمِیْنَ۱۶۲ۙ [42]
ترجمہ:کہومیری نماز، میرے تمام مراسم عبودیت، میراجینا اور میرا مرنا سب کچھ اللہ رب العالمین کے لئے ہے ۔
کیونکہ اللہ ان لوگوں کی قربانی قبول فرماتاہے جو پرہیزگار ہوں ، جیسے فرمایا
۔ ۔ ۔ اِنَّمَا یَتَقَبَّلُ اللهُ مِنَ الْمُتَّقِیْنَ۲۷ [43]
ترجمہ: اللہ صرف متقین کی قربانی قبول کرتاہے ۔
عکرمہ کی روایت ہے کہ جب محمد صلی اللہ علیہ وسلم نبی بنائے گئے اور آپ نے قریش کواسلام کی دعوت دی جس میں ان کی دونوں جہانوں کی فلاح تھی مگرانہوں نے اس پاکیزہ دعوت پرغورکرنامناسب خیال نہ کیااور اپنے آبائی مشرکانہ دین کی حمایت میں مقابلہ کے لئے کھڑے ہوگئے اوردشمنی اور عداوت میں اندھے ہوکرکہنے لگے بَتِرَ محمد منا محمداپنی قوم سے کٹ کرایسے ہوگئے ہیں جیسے کوئی درخت اپنی جڑسے کٹ گیا ہواور متوقع یہی ہوکہ کچھ مدت بعد وہ سوکھ کرپیوندخاک ہوجائے گا۔ [44]
لَمَّا مَاتَ إِبْرَاهِیمُ بْنُ رَسُولِ اللَّهِ صَلَّى اللَّهُ عَلَیْهِ وَسَلَّمَ مَشَى الْمُشْرِكُونَ بَعْضُهُمْ إِلَى بَعْضٍ، فَقَالُوا: إِنَّ هَذَا الصَّابِئَ قَدْ بُتِرَ اللَّیْلَةَ
عطاکہتے ہیں جب رسول اللہ صلی اللہ علیہ وسلم کے بیٹے ابراہیم کاانتقال ہواتو آپ کا چچا ابولہب (جس کاگھرآپ صلی اللہ علیہ وسلم کے گھرسے متصل تھا) دوڑتا ہوا مشرکین کے پاس گیا اوران کویہ خوشخبری دی یہ بے دین شخص آج رات لاولد ہو گیا۔ [45]
عبد اللہ بن عباس رضی اللہ عنہما نے فرمایا کہ رسول اللہ صلی اللہ علیہ وسلم کے سب سے بڑے بیٹے قاسم تھے ، ان سے چھوٹی زینب رضی اللہ عنہا تھیں ، ان سے چھوٹے عبد اللہ تھے ، پھر تین بیٹیاں ام کلثوم رضی اللہ عنہ ، رقیہ رضی اللہ عنہ اورفاطمہ رضی اللہ عنہ تھیں ، ان سے پہلے قاسم کاانتقال ہواپھر عبد اللہ نے بھی وفات پائی
هُوَ الْعَاصُ بْنُ وَائِلٍ، قَالَ: أَنَا شَانِئُ مُحَمَّدًا، وَهُوَ أَبْتَرُ، لَیْسَ لَهُ عَقِبٌ
اس پر عاص بن وائل نے کہاان کی نسل ختم ہوگئی ، اب وہ ابتر ہیں (یعنی ان کی جڑ کٹ گئی)۔ [46]
بعض روایات میں یہ اضافہ ہے کہ عاص نے کہا
دَعُوهُ إِنَّمَا هُوَ رَجُلٌ أَبْتَرُ لَا عَقِبَ لَهُ، لَوْ هَلَكَ انْقَطَعَ ذِكْرُهُ وَاسْتَرَحْتُمْ مِنْهُ
کہنے لگے یہ وہ شخص ہے جس کی جڑکٹ گئی ہے ، ان کاکوئی بیٹانہیں ہے جوان کاقائم مقام بنے ، جب وہ مرجائیں گے توان کا نام دنیا سے مٹ جائے گا اوران سے تمہارا پیچھاچھوٹ جائے گا۔ [47]
عَنْ شِمْرِ بْنِ عَطِیَّةَ، قَالَ:كَانَ عُقْبَةُ بْنُ أَبِی مُعَیْطٍ یَقُولُ: إِنَّهُ لا یَبْقَى النبی صَلَّى اللَّهُ عَلَیْهِ وَسَلَّمَ وَلَدٌ وَهُوَ أَبْتَرُ فَأَنْزَلَ اللَّهُ فِیهِ إِنَّ شَانِئَكَ هُوَ الْأَبْتَرُ
شمربن عطیہ کابیان ہے عقبہ بن ابی معیط بھی رسول اللہ صلی اللہ علیہ وسلم کے بارے میں ایسی ہی باتیں کرتاتھااس کے حق میں یہ آیت نازل ہوئی ہے ۔ [48]
أن العاص بن وائل كان یقول: إن محمدا أبتر لا ابن له یقوم مقامه بعده، فإذا مات انقطع ذكره
محمدبن اسحاق کہتے ہیں عاص بن وائل سہمی کے سامنے جب رسول اللہ صلی اللہ علیہ وسلم کا ذکر کیاجاتا تو وہ کہتااجی چھوڑو انہیں ، محمد توایک ابتر (جڑ کٹے ) آدمی ہیں ، ان کی کوئی اولادنرینہ نہیں جواس کے بعداس کا قائم مقام ہو، جب مرجائیں گے تو کوئی ان کانام لیوا بھی نہ ہوگا۔ [49]
عَنِ ابْنِ عَبَّاسٍ، قَالَ: قَدِمَ كَعْبُ بْنُ الأَشْرَفِ مَكَّةَ، فَقَالَتْ لَهُ قُرَیْشٌ: أَنْتَ سَیِّدُهُمْ، أَلا تَرَى إِلَى هَذَا الْمُنْصَبِرِ الْمُنْبَتِرِ مِنْ قَوْمِهِ، یَزْعُمُ أَنَّهُ خَیْرٌ مِنَّا وَنَحْنُ أَهْلُ الْحَجِیجِ، وَأَهْلُ السِّقَایَةِ، وَأَهْلُ السِّدَانَةِ، قَالَ: أَنْتُمْ خَیْرٌ مِنْهُ
عبد اللہ بن عباس رضی اللہ عنہما کی روایت ہے ایک دفعہ( مدینہ کا یہودی سردار)کعب بن اشرف مکہ مکرمہ آیا تو قریش کے سرداروں نے اس سے کہا بھلا دیکھوتوسہی اس لڑکے کوجو اپنی قوم سے کٹ گیاہے اورسمجھتاہے کہ یہ ہم سے بہترہے حالانکہ ہم حجاج کے نگراں ، ان کوپانی پلانے والے اورخانہ کعبہ کے کلیدبردار اور متولی ہیں ، کعب نے جواب دیا تم اس سے افضل ہو۔ [50]
قریش کواپنے خاندانی شرف اور اپنی برتری ، بیت اللہ کامتولی ہونے ، حجاج کو پانی پلانے پربڑاناز تھا وہ اسی کو ابراہیم علیہ السلام کی وراثت سمجھتے تھے ، اس وجہ سے ان کوخیال ہواکہ جو شخص ان سے علیحدہ ہوگیاوہ اس شاخ بریدہ کے ماندہے جس کاخشک ہوکر فناہو جانا یقینی ہے ، وہ اپنے اس گمان میں مگن تھے اوریہودی سردارکی تائیدنے ان کے اس گمان کو مزیدقوت فراہم کردی لیکن اللہ تعالیٰ نے ان کی یہ غلط فہمی دورکردی کہ جو خیال تم پیغمبر عالم صلی اللہ علیہ وسلم کے متعلق قائم کر رہے ہووہ بالکل غلط ہے البتہ تم خودعنقریب مخذول اور ذلیل ہوجاؤگے اوروہ تمام نعمتیں جوتم کوخانہ کعبہ کی تولیت کے صلہ میں ملی تھیں تمہاری شرارتوں اوربدعہدیوں کی پاداش میں تم سے چھین لی جائیں گی ، چنانچہ اللہ نے یہ آیت ’’اِنَّ شَانِئَكَ هُوَ الْاَبْتَرُ ‘‘نازل فرمائی،
عَنْ عِكْرِمَةَ، قَالَ:لَمَّا أُوحِیَ إِلَى النَّبِیِّ صَلَّى اللهُ عَلَیْهِ وَسَلَّمَ قَالَتْ قُرَیْشٌ: بَتِرَ مُحَمَّدٌ مِنَّا، فَنَزَلَتْ: {إِنَّ شَانِئَكَ هُوَ الْأَبْتَرُ} [51]
عکرمہ سے مروی ہیں کہ جب اللہ تعالیٰ نے رسول اللہ صلی اللہ علیہ وسلم کووحیسے مشرف فرمایا توقریش نے کہا محمد ہم سے کٹ گئے ، اس پر اللہ تعالیٰ نے آیت ’’یقینا تیرادشمن ہی لاوارث اوربے نشان ہے ۔ ‘‘نازل فرمائی۔
چنانچہ قرآن مجیدکی یہ اہم پیشین گوئی حرف بحرف پوری ہوئی، غزوہ بدرکے موقع پر نہتے اورکم تعدادمسلمانوں کے ہاتھوں مشرکین کے بڑے بڑے سترسردارواصل جہنم ہوئے اورفتح مکہ آٹھ ہجری کے موقع پرانہوں نے نہایت بے بسی کے ساتھ رسول اللہ صلی اللہ علیہ وسلم کے سامنے ہتھیارڈال دیے اورمعافی کے طلبگار ہوئے ، اس کے ایک سال کے بعدعرب کے گوشے گوشے سے قبائل کے وفودبارگاہ رسالت میں پیش ہوکربیعت کرنے لگے ، وقت کے ساتھ ساتھ اسلام کی دعوت تمام دنیامیں پھیل گئی مگرآپ صلی اللہ علیہ وسلم سے بغض و عنا د رکھنے والے اورآپ صلی اللہ علیہ وسلم کی مذمت اورتنقیص کرنے والے مشرک سردارفرعون امت ابوجہل، ابولہب، عاص بن وائل، عقبہ بن ابی معیط وغیرہ کا کوئی نام لیوااس دنیا میں نہ رہا، اورنہ ہی کسی کی زبان پران کاذکرخیر ہے ۔